Բաժանորդագրվեք Zarkerak.am-ի տելեգրամ ալիքին։
«Մենք սկսել ենք նախապատրաստություն այլընտրանքի ձևավորման, որպեսզի ժողովուրդը որոշում կայացնելու հնարավորություն ունենա: Մենք չենք պատրաստվում դուրս գալ ԵԱՏՄ-ից, բայց նաև ԵԱՏՄ գործընկերները բարձրացնում են այդ հարցը՝ կողմնորոշվելու և հանրաքվե անցկացնելու»,-լրագրողների հետ ճեպազրույցում ասաց վարչապետ Նիկոլ Փաշինյանը:
Ըստ վարչապետի՝ հանրաքվեի առարկա այս պահին գոյություն չունի. «Որպեսզի մենք կարողանանք հանրաքվե անցկացնել, որպեսզի մենք ՀՀ-ի ԵՄ-ին անդամագրվելու հարցով հանրաքվե անցկացնենք, առնվազն պետք է որոշակի ընթացակարգերով անցնենք, և մենք գնում ենք այդ ճանապարհով: Ակնհայտ է ինձ համար, որ պրոցեսը տանում է դեպի դա, որ մենք ի վերջո 2027 կամ 2028 թվականին պաշտոնապես դիմենք ԵՄ-ի լիարժեք անդամ դառնալու գործընթաց սկսելու հարցով»:
Ինչ վերաբերում է ՀԱՊԿ-ին՝ Փաշինյանն ասաց. «ՀԱՊԿ-ի հետ կապված մեր հետաքրքրությունները սպառված են, մենք այլևս հետաքրքրություն չունենք ՀԱՊԿ-ի հետ կապված»:
