Բաժանորդագրվեք Zarkerak.am-ի տելեգրամ ալիքին։
«Արշիլ Գորկու նկարն ենք ձեռք բերել, դա էլ մշակույթի և գիտության ֆինանսավորման շատ կարևոր ուղղություն է: Հայ ժողովրդի պատմության համար նշանակություն ունեցող գիտամշակութային, պատմամշակութային արժեքները բերվում են ՀՀ, սա իրական Հայաստանի գաղափարախոսության գործնական արտահայտություններից մեկն է: ՀՀ-ն է այն կենտրոնը, որտեղ պետք է հայ ժողովրդի ստեղծած մշակութային արժեքները կենտրոնացած լինեն»,-Կառավարության նիստում ասաց վարչապետ Նիկոլ Փաշինյանը:
Փաշինյանը նաև նշեց. «Մատենադարանի, Պատմության թանգարանի, ԿԳՄՍՆ մեր գործընկերներն ուշադիր հետևում են՝ միջազգային աճուրդներում ինչ է տեղի ունենում և բոլոր այն դեպքերում, երբ տեսնում ենք, որ բացառիկ կարևորության նմուշներ են դրվել վաճառքի, մենք անպայման արձագանքում ենք: Թանգարաններին մենք պետք է վերաբերվենք բացի գիտական հաստատությունից նաև որպես տնտեսական ճյուղ, մանավանդ, որ այդ պոտնեցիալն ունենք ՀՀ-ում: Ինձ համար շատ հաճելի է անակնկալ էր, երբ մի քանի թանգարաններ այցելելով տեսա մարդկանց հերթեր՝ թանգարաններ այցելելու տոմս ձեռք բերելու: Համոզված եմ, որ մեր այս քաղաքականության շարունակման արդյունքում շուտով այդ հերթերն արդեն տեսանելի կլինեն նաև թանգարանի տարածքից դուրս»:
