Բաժանորդագրվեք Zarkerak.am-ի տելեգրամ ալիքին։
«Ով ասաց, որ այդ ուժերը բաժանվել էին, որ մի հատ էլ միավորվում են, այդ նույն ուժերը տարբեր կերպ անընդհատ միավորվում են, 46 անգամ արդեն միավորվել են»,-լրագրողների հետ ճեպազրույցում անդրադառնալով ընդդիմությանը՝ ասաց ԱԺ նախագահ Ռուբեն Ռուբինյանը:
Խոսելով նոր Սահմանադրության հետ կապված ընդդիմության դիրքորոշման և իրականացրած ակցիայի մասին՝ Ռուբինյանը նկատեց. «Ոնց են իրենք ասում, որ դեմ են մի տեքստի, որը չեն տեսել: Տարօրինակ եմ համարում փողոցներում մարդկանց համոզելը դեմ լինել մի բանի, որ իրենք չեն ուզում, որ մարդիկ որոշեն: Թող թողնեն, որ ժողովուրդը որոշի, ինչու չորոշի ժողովուրդը: ԵԽԽՎ-ն պաշտոնապես ֆիքսել է, որ հայաստանյան ընդդիմությունը կամ դրա մեծամասնությունն օտարերկրյա ազդեցության գործակալներ են, էլ չեմ խոսում տխրահռչակ «004» շրջաբերականի մասին, որն ընդունել է Դաշնակցությունը, որում ուղիղ գրված է, որ Հայաստանը կարող է պետք լինի իր ինքնիշխանությունը զիջի հանուն «ազգային նպատակների»: Մեր ընդդիմադիր գործընկերներն անկախության և ինքնիշխանության ուղիղ հակառակն են: Օրինակ՝ Կալուգա քաղաքի հարկայինի պետի տեղակալը չի կարելի բացառել, որ մեր ընդդիմադիր գործընկերներին կարող է և sms-ներ գրած լինել»:


