Բաժանորդագրվեք Zarkerak.am-ի տելեգրամ ալիքին։
Դեկտեմբերի 11-ին՝ ժամը 19։43-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպիտակի ոլորաններում այրվում է բեռնատար ավտոմեքենա։
Դեպքի վայր են մեկնել ՆԳՆ ՓԾ մարզային փրկարարական վարչությունների հրշեջ-փրկարարական ջոկատներից չորս մարտական հաշվարկ և օպերատիվ խումբը։
Պարզվել է, որ հրդեհ է բռնկվել «MAN» մակնիշի բեռնատար ավտոմեքենայի քարշակում. տուժածներ չկան։
Հրդեհը մեկուսացվել է ժամը 20։29-ին, մարվել՝ 20։58-ին։ Այրվել է քարշակը։
Հրշեջ-փրկարարները կանխել են կրակի տարածումը դեպի ցիստեռն։
