Բաժանորդագրվեք Zarkerak.am-ի տելեգրամ ալիքին։
«Հարց է, թե ինչու Հոկտեմբերի 27-ի պատվիրատուները չեն բացահայտվել այն ժամանակ, երբ դա ամենահեշտն էր անել՝ անմիջապես այդ ոճրագործությունից հետո»,-լրագրողների հետ ճեպազրույցում ասաց ԱԺ նախագահ Ռուբեն Ռուբինյանը:
Ռուբինյանի խոսքով՝ բացահայտված են անողները, պատվիրատուները բացահայտված չեն. «Հոկտեմբերի 27-ին Ռոբերտ Քոչարյանը նախագահ էր, Սերժ Սարգսյանն էլ Ազգային անվտանգության նախարար, ինչու չեն բացահայտել Հոկտեմբերի 27-ը, հնչում են կարծիքներ, որ Հոկտեմբերի 27-ի ոճրագործության արդյունքն առնվազն քաղաքականապես ձեռնտու էր Ռոբերտ Քոչարյանին, կասկածներ է հարուցում այն փաստը, որ իրենք 19 տարվա մեջ դա չեն բացահայտել: Մեր իշխանության օրոք արդեն իսկ բացահայտվել են էլի անբացահայտելի թվացող հանցագործություններ, օրինակ՝ Խորխոռունու սպանությունը, որը 20 տարի անց բացահայտվեց: Չկա որևէ քաղաքական ուժ, որը մեզնից շատ է շահագրգռված այս հանցագործությունը բացահայտելու համար: Բավականին արժանահավատ կարծիքներ են հնչում, որ Հոկտեմբերի 27-ից հետո Քոչարյանի իշխանությունը կտրուկ ամրապնդվեց և դարձավ միահեծան»:
