Բաժանորդագրվեք Zarkerak.am-ի տելեգրամ ալիքին։
COP17-ի նախագահ, ՀՀ շրջակա միջավայրի նախարար Համբարձում Մաթևոսյանը հանդիպել է Վրաստանի շրջակա միջավայրի պահպանության և գյուղատնտեսության նախարար Դավիթ Սոնղուլաշվիլիի հետ։
Քննարկվել են բնության հատուկ պահպանվող տարածքների կառավարման, անտառների վերականգնման և ջրային ռեսուրսների կայուն օգտագործման ոլորտներում համագործակցության ընդլայնման հնարավորությունները՝ կարևորելով փորձի և տվյալների փոխանակումն ու մասնագիտական կառույցների միջև կապերի ամրապնդումը։
Անդրադարձ է եղել նաև COP17-ի օրակարգին և Կունմինգ-Մոնրեալի կենսաբազմազանության գլոբալ շրջանակի իրականացմանը՝ ընդգծելով համատեղ աշխատանքի կարևորությունը տարածաշրջանի բնապահպանական մարտահրավերներին արձագանքելու գործում։
