Բաժանորդագրվեք Zarkerak.am-ի տելեգրամ ալիքին։
«Պարոն Դանիելյան, որ խոսում եք ազգային պառակտումից, խոսում եք մարդկանց թիրախավորելուց, Գեղամ Մանուկյանին ճանաչո՞ւմ եք, տեսել եք, որ Մանուկյանը ֆեյսբուքում հրապարակային ՔՊ կուսակցության ընտրողներին և աջակիցներին սեռական բնույթի հայհոյանք է տվել ժամանակին: Ձեզ առաջարկում եմ գնալ ծանոթանալ այդ հայտարարությանը, հետո գնալ և ձեր ընկեր Գեղամին բարոյախրատական դասեր տալ, բացատրել որ չի կարելի թիրախավորել մարդկանց: Եթե ձեր բարոյախրատական ճառը միայն վերաբերում է ձեզ ու չի վերաբերում մյուսներին, դա պարզագույն երեսպաշտություն է»,- ԱԺ-ում դիմելով «Հայաստան» դաշինքի պագամավոր Գառնիկ Դանիելյանին՝ ասաց ՔՊ խմբակցության ղեկավար Հայկ Կոնջորյանը:
Կոնջորյանի խոսքով՝ ժողովրդավարական պետություններում պետության ղեկավարը կարող է շփվել իր քաղաքացիների հետ, կարող է մի քիչ էլ էմոցիոնալ դառնալ, հետո կարող է ներողություն խնդրել, դա ժողովրդավարության նվաճումն է, ինչը տեղի է ունեցել Երևանի մետրոպոլիտենում. «Ժողովրդավարության նվաճումը չի, երբ հանրապետության ղեկավարի անունը կրճատ ասելու համար մարդուն տանում են զուգարան ու այնքան են ծեծում, որ մահանում է: Քոչարյանն ասում է վարչապետն ինքնության կոդ չունի, ասում է մի մարդ, որի անունը կրճատ տալու համար նրա ախրանիկները մարդուն զուգարանում այնքան են ծեծել, որ մահացել է: Տիկին Խամոյանն ու Աննա Գրիգորյանն էլ ընենց հիացական և լուռ են նայում, ոնց որ կենդանի հուշարձան տեսած լինեն, լավա չէիք գնում մի հատ էլ խունկ վառեիք: Բա ասեիք՝ շեֆ, բա քո կոդը որն է: Պարոն Դանիելյան, երկար ժամանակ Բագրատ Գալստանյանի բեք վոկալն էիք դարձել ու ինչ ասում էր՝ կրկնում էիք: Գալստանյանն այսօր դատվում է ահաբեկչության քեյսով: Ղարաբաղի մասին եք ասում, 2023 թվականի սեպտեմբերի 9-ին Ղարաբաղում դուք վերցրիք իշխանությունը, դրանից ընդամենը 10 օր հետո սկսվեցին ռազմական գործողություններ, իսկ սեպտեմբերի 26-ին Շահրամանյանը հրամանագիր ստորագրեց Ղարաբաղը լուծարելու մասին: Դուք այդ մարդկանց մատաղ եք արել»:
