Բաժանորդագրվեք Zarkerak.am-ի տելեգրամ ալիքին։
Քարոզարշավի հերթական օրը ՀՀ վարչապետ Նիկոլ Փաշինյանն ու «Քաղաքացիական պայմանագիր» կուսակցության անդամների մի մասը քարոզարշավը շարունակում են Երևանում:
Այս անգամ շրջայցերը Աջափնյակ վարչական շրջանում են:
ՀՀ վարչապետը շրջում է թաղամասերով, զրուցում քաղաքացիների հետ, նրանց հետ խոսում նախորդ տարիներին կատարված աշխատանքներից ու սպասվող ծրագրերից:
Շրջայցերից մեկի ժամանակ վարչապետին է մոտեցել տարեց մի տղամարդ՝ հայտնելով, որ գրեթե 90 տարեկան է, գնահատում է ազատությունն ու գիտի դրա արժեքը, խնդրում է ներկա կառավարությանը պահպանել ազատության գաղափարը:
«Ֆենոմեն է, 90-ամյա մարդը մոտենում է և խոսում ազատության մասին, հասկանո՞ւմ եք՝ ինչ արժեք է»,- ասել է վարչապետը:
Ի պատասխան՝ քաղաքացին ասել է, որ ժամանել է Մարտունուց և ունեցել է մեկ ցանկություն՝ տեսնել ՀՀ վարչապետին:
