Բաժանորդագրվեք Zarkerak.am-ի տելեգրամ ալիքին։
Կառավարության ծրագրում ներառվել է, մինչև 2030 թվականը երկրի ուղեծիր երեք արբանյակ թողարկելու հարցը: Այս մասին Կառավարության նիստին հայտարարեց վարչապետ Նիկոլ Փաշինյանը՝ անդրադառնալով մթերվող գյուղմթերքը ճիշտ հաշվարկելու հնարավորություններին:
Ըստ վարչապետի արբանյակների առկայությունը հնարավորություն կտա հասկանալ Հայաստանում առկա խաղողի, ծիրանի ու այլ գյուղմթերքի այգիների քանակը:
«Նախկինում եղել է մտավախություն, որ մեր երկրում կա X խաղողի մաքսիմալ պոտենցյալ ունեցող այգի, բայց մենք մթերում ենք դրանից ինչ-որ չափով ավել խաղող: Սա վերլուծություն է, սրա տակ որևէ փաստական հիմք չկա: Մենք պետք է ենթակառուցվածքը զարգացնենք, որպեսզի փաստական հիմք ունենանք, որովհետև չենք կարող գնալ բոլոր տեղերը չափել, էլ չեմ ասում, որ բոլոր թփերը ստուգել: Արբանյակն ու արհեստական բանականությունը կարող են նույնիսկ խաղողի հատիկները ստուգել ու ասել այսքան է ձեր խաղողի բերքը»,-ասաց վարչապետը:
