Բաժանորդագրվեք Zarkerak.am-ի տելեգրամ ալիքին։
«Իմ առաջիկա ամենակարևոր անելիքը համարում եմ Հայաստանի և Ադրբեջանի միջև խաղաղության համաձայնագրի ստորագրումը և վավերացումը»,-Կառավարության նիստում ասաց վարչապետ Նիկոլ Փաշինյանը:
Փաշինյանը նշեց, որ մինչև 2031 թվականը պետք է հասնել այդ խնդրի լուծմանը. «Սա նաև Կառավարության և ընդհանրապես մեր քաղաքական թիմի անելիքն է, բայց ես՝ որպես ՀՀ վարչապետ, նաև իմ անձնական օրակարգի առումով շատ կարևոր եմ համարում, որ մենք այս խնդիրը մինչև 2031 թվականը լուծենք: Ես տեսնում եմ, որ կա այդ հնարավորությունը, հակառակ դեպքում չէի բարձրաձայնի, առաջիկայում մենք պետք է կենտրոնացած լինենք այս օրակարգի վրա՝ մեր ռազմավարական ծրագրերն ամենևին երկրորդ պլան չմղելով: Այդ օրակարգի ամենավերևում գտնվում է Հայաստանի և Ադրբեջանի միջև խաղաղության համաձայնագրի ստորագրումը և վավերացումը, որով հայ ժողովրդի պատմության շատ էական շրջափուլ կամփոփվի և նոր շրջափուլ կբացվի»:
