Բաժանորդագրվեք Zarkerak.am-ի տելեգրամ ալիքին
Մադրիդի «Ռեալի» և Բրազիլիայի ազգային հավաքականի հարձակվող Վինիսիուս Ժունիորը վեց ամսից՝ 2027 թվականի հունվարի 1-ին, կարող է ստանալ ազատ գործակալի կարգավիճակ։
Իսպանական ակումբի ղեկավարությունը և ֆուտբոլիստի ներկայացուցիչները պայմանավորվել են նոր պայմանագրի շուրջ քննարկումներին վերադառնալ անմիջապես 2026 թվականի աշխարհի առաջնության ավարտից հետո, որպեսզի չշեղեն խաղացողին մրցաշարում իր ելույթներից: Այս մասին հայտնում է Marca պարբերականը։
Ներկայումս բանակցություններում հիմնական տարաձայնությունը շարունակում են մնալ ֆինանսական պայմանները։ Բրազիլացու գործող աշխատավարձը կազմում է մրցաշրջանում շուրջ 20 միլիոն եվրո, մինչդեռ հարձակվողի կողմն ակնկալում է վարձատրության բարձրացում մինչև տարեկան 30 միլիոն եվրո, ինչը մադրիդյան ակումբում քիչ հավանական են համարում։
2025/26 մրցաշրջանում Վինիսիուսը բոլոր մրցաշարերում մասնակցել է 53 հանդիպման՝ դառնալով 22 գոլի և 14 արդյունավետ փոխանցման հեղինակ։
