Բաժանորդագրվեք Zarkerak.am-ի տելեգրամ ալիքին։
Ադրբեջանի պետական անվտանգության ծառայությունը (DTX) հայտնել է հանցավոր խմբի հայտնաբերման մասին, որը կասկածվում է հասարակական և կրոնական գործիչների դեմ մահափորձեր պլանավորելու, ինչպես նաև ահաբեկչությունը ֆինանսավորելու համար: Գործակալությունը նշել է, որ խմբի անդամներն ուսումնասիրել են իրենց «թիրախների» տեղաշարժի մշտական ուղիները և անձնական անվտանգությունը: Իսկ ծրագրված հանցագործությունները կատարելուց հետո մտադիր են եղել թաքնվել արտերկրում առկա հակամարտության գոտիներում:
Ավելին՝ պարզվել է, որ անդամներից մեկը կրիպտոարժույթով ֆինանսավորել է կրոնական արմատականության հիման վրա զինված հակամարտություններին մասնակցող անձանց՝ ներառյալ միջազգայնորեն ճանաչված ահաբեկչական կազմակերպությունները:
5 երկրի տարածքում իրականացված հակաահաբեկչական միջոցառումների արդյունքում ձերբակալվել է խմբավորման ընդհանուր առմամբ 10 անդամ:Արտերկրում ձերբակալվածներից Էլշան Ասկերովին արտահանձնել են Ադրբեջանին:
