Բաժանորդագրվեք Zarkerak.am-ի տելեգրամ ալիքին։
«Ես չեմ ասել, որ գեներալները վախկոտ են, ես ասել եմ կան վախկոտ գեներալներ և դասալիքներ, այո, նրանցից շատերը դատվում են: Մենք ունենք թալանչի գեներալներ, որոնք անցնում են ապօրինի գույքի գործով: Մենք հերոս բառը պետք է շատ զգույշ օգտագործենք: Մենք իրական հերոսներին լղոզել ենք վերբալ հերոսների մեջ»,- լրագրողների հետ ճեպազրուցում ասաց վարչապետ Նիկոլ Փաշինյանը:
Վարչապետը նաև նշեց. «Տասնյակ-հազարով մարտական առաջադրանքը կատարելուց հրաժարված մարդիկ ունենք, ումի՞ց ենք թաքցնում: Այն, որ որևէ ժամանակ, որևէ ստորաբաժանում ի տարբերություն քառօրյա պատերազմի, զենքի ոչ մի պակաս չի եղել, այդ փաստի հետ պետք է առերեսվենք: Մարդիկ թող իրենց ճողոպրելը չկապեն իմ հրամանների հետ, ես նման հրամաններ չեմ տվել, մարդիկ ուզել են այդպիսի հրամաններ ստանալ, ես նման հրամաններ երբեք չեմ տվել: Ես երբեք թացը չորին չեմ խառնում և մարդկանց ու իրերը կոչում եմ իրենց անուններով: Այո, ունեցել ենք վախկոտ գեներալներ, ծառայության արդյունքում դիրքերում պահածոների բանկաները կախել են իրենց դղյակները Երևանի կենտրոնում սարքել: Փորները 3 մետր դեմները գցած գեներալը որն է, դա զինվորականի տե՞սք է: Մարդիկ եկել են Ղարաբաղից այստեղ տղամարդլամիշ են լինում, բայց 44-օրյա պատերազմի ժամանակ նրանց պատմությունը, որ ուսումնասիրում ենք, մեկը խուճապ տարածող է եղել, մեկը՝ դասալիք, մեկը՝ որդուն դիրքերից փախցնող, հիմա հեշտ է Օպերայում գալ դոշ ծեծել»:
