Բաժանորդագրվեք Zarkerak.am-ի տելեգրամ ալիքին։
«Ստանձնելով ՀԷՑ-ի ժամանակավոր կառավարչի լիազորությունները՝ ինձ վերապահված լիազորությունների շրջանակներում իրականացնելով վերահսկողական, ստուգողական և այլ գործառույթներ մի քանի շաբաթ անց պարզ դարձավ, որ երկար տարիներ ՀԷՑ-ում տիրող իրավիճակը թաքցվելով և ՀԾԿՀ-ից և իրավասու, տեսչական լիազորություններով օժտված պետական այլ մարմիններից, բերել հանգեցրել է այն ճգնաժամային իրավիճակին, որ ՀԾԿՀ նախագահը ստիպված էր ՀԷՑ-ի նկատմամբ վարչական վարույթ հարուցել և կանխարգելիչ միջոցառում իրականացնել՝ ժամանակավոր կառավարիչ ներկայացնելու միջոցով»,- լրագրողների հետ զրույցում այս մասին ասաց ՀԷՑ-ի ժամանակվոր կառավարիչ Ռոմանոս Պետրոսյանը ՀԷՑ-ին լիցենզիայից զրկելու վերաբերյալ ՀԾԿՀ նիստի ընթացքում:
«Իմ կանխատեսումները, որ ես օրեր առաջ արեցի, որ ենթադրաբար ՀԷՑ-ը կզրկվի լիցենզիայից, պարզապես ժամանակավոր կառավարչի լիազորությունների շրջանակում իրականացված բացահայտումների, ստուգումների և այն բազմահատորանոց փաստաթղթավորման արդյունք էր, որին ես տիրապետում են և իրավասու եմ այդպիսի ենթադրություններ անել: Այդտեղ ոչ մի ուղղորդում չկա, ես չեմ կարող ինձ նշանակողին ուղղորդել: Գործընթացը վստահ եմ՝ օրենքի շրջանակում է, քանի դեռ Սահմանադրական դատարանը հակառակը չի վճռել»,- նշեց նա:
